PRO 3:5 Iwoybukwo duninj God. Namekke ibengkan nawu minj iwoybukwon, minj ibengkan njalenjaleken.
LUK 2:6 Benewam benebolkyawan kure benediwirriminj benebolkngalkang kure Bethlehem. Benewam kure mayh yoy manme bedberre. Wanjh wurdyaw mahmi danginj. Bikarrmeng ngalbadjan mayhmayh birriyawnang. Wanjh bibarrkbom bikurrmeng kungarre.
LUK 2:8 Nungka minj rayi djarre, manekke rerrih kunkak kamwam, birriwern bininj bindinahnan mayhmayh.
LUK 2:9 Kumekke rerrih birrinang angel kumwam kunwok kumkang kaddumbeh. Ngabbard bolkwarlkang birrinang birriwern. Bedda birrikelehminj.
LUK 2:10 Angel benmarneyimeng, “Minj ngurrikukkele. Ngayi ngakang kunwok namakkayken ngudberre ngurriwern.
LUK 2:11 Bolkkime ngalyawk kabikarrme wurdyaw narangem kure kumekke Bethlehem kure David djordminj. Ngurriray, ngurriyawan. Nungka birriyawdukkang kunmadj kure mayhmayh kabirriyo. Ba ngudda ngurribengkan kunwok manwoybuk ngayolyolme. Namekke nawu kakukmarnbun bininj rowk. Ngabbard bimunkeweng wurdyaw ngurridjalwern ngudberre. Nungka nawu nadjalkudji Kaworhnan kadberre kubolkwarlahken.
LUK 8:22 Kunkudjiken, Jesus binmarneyimeng bininj nuyeki, “Karridjoke kelkurebe kabono” Birribidbom kabbala. Birrikan kure Lake Gallilee kabbala dorreng.
LUK 8:23 Nungka kodjeyoy kure kabbala. Nabang mandjewk kamwam. Kurrabangminj, kurrula bobangminj Bobidbom kure kabbala, wanjh kabbala kuyin yibmeng. Birriwowarreni.
LUK 8:24 Jesus bininj nuyeki birrikeleminj birridolkayhweng birrimarneyimeng “Yiwohrnang, yirrolka karrinakme!” Jesus mimbahymeng, weleng dolkkang, Jesus narayekwokdi kure kunkurra maken kunronj. Nungka yimeng, “Ngurdmen.” Werrk, kunkurra maken kunronj ngurdmeng. Bonj ngurdmerrinj rowk.
LUK 8:25 Jesus binmarneyimeng bininj nuyeki. “Ngudda nyalekenh marrek kandimarrkmang”? Birrimarneyimerrinj, “Ngurrina. Nane bininj bibekkang nane kunkurra maken kunronj. Weleng biwokmarrkme keno binmarneyimeng. Warri woybukki nungka dulkarre badjan?” Birrikeleminj maken birrimalngbarremeng.
JOH 3:16 God kaben-marne-djareng kubolk-warlahken bulkidj, kabenwong beywurd nuye namakkayken nadjalkudji bulkidj. Nangale nawu kabirriwoybukwon, minj kabirridowen bulkidj, kabirridarrkid munguhy-munguhy.
JOH 3:17 God bimunkeweng beywurd nuye konda kumwam Minj bimunkeweng bu bendjadmeninj bininj dja minj benduyinj. bu kaben-ngehke birridjalwenh bininj bolk-warlahken.
